أغنية
يهون
بقلم شريف شحاته مصر
لو حنانك هان عليا كان زمان قلبك يهون
كل ما أفرح شوية تسرق الفرحة بظنون
كل يوم بتزيد مشاعرى قلبى حبك من زمان
يعلى قدرك فى نظرى نفسى تشعر بالأمان
كل نظرة تشوفها منى فيها نبض من الحنان
ليه تقولى إنك حارمنى هو دة إسمه الحرمان
لو تحس فى عينى نظرة كنت شفت حنان كمان
ياااااه لو تسمع كلامى يااااه من شوقى وغرامى
يااااه من همسى وألامى إزاي أنا أقدر أخون
لو حنانك هان عليا كان زمان قلبك يهون
الغرام بان من عينيا بس صدق العيون
ياللى حبك غالى عندى من غير تسأل دة السؤال
كل مرة تسمع فى ردى إزاي أنا أرحل دة المحال
ليه يبان شك فى سؤالك حتى باين من عينيك
قلبي حيرنى فى حالك قولى ليه أكذب عليك
يااااه من قسوة جنونك يااااه من نظرة عيونك
يااااه لو ترحل ظنونك أه لو تفضل حنون
لو حنانك هان عليا كان زمان قلبك يهون
الغرام بان من عينيا بس صدق العيون
بقلم شريف محمد شحاتة مصر
Aucun commentaire:
Enregistrer un commentaire