الدنيا حلوة
الدنيا حلوة يابشر لوكل واحد
ماشغلش حاله بغيرة سعتها هتلاقيك
من الفرح مبسوط مزقططة عيونك
هتفط منها الفرحة بالخير اللي ربك
جابه لك وحطه عليك بعتولك
الدنيا حلوة بس الناس ترضا فيها بالمكتوب
عليها مايتعداش وفيها مايستقواش
ولو حب يتعافى هتكسرة ويخسرها ويبات زليل مغلوب
طب ومين فيها عاجبة في يوم حالة دي الناس
لبعضها قاعدين على الواحدة بتنكد وتهري ماسابوش
لحاجة الا وقالوها ولبعض سبوها ولعنوها
نازلين يقولوا كلام من وراء بعض ماخلصوش
اللي لما حكوها وللواقع فضحوها
عمالين يعملوا في بعض مقالب
لما كله على بعضه صبح قالب
البوذ ممدود شبرين منه لقدام
والوش مكرمش عاوز يروح لبتاع الجزم
يفردة من جديد على قالب
ودا كله من اللت والعجن اللي بدل حياتنا
من موجب خلاها سالب X سالب
وعيني عليك يامسكين
لما تتقطع فروتك ويستلموك اللي قاعدين
في الرائحة والجاية يقولوا فلان جاب وجاب
كأنك على كنز واقع ولا للبقرة حالب
ياعالم مالكم ومال الناس
دا الغيبة والنميمة زي المال الحرام كناس
والنفوس المريضة عمرها مابتصفى
ضميرها الوحش تحت القدم تنداس
مش عجبها حالها وعينها على في أيد الناس
واحد يقولك دا راح والتاني يقول سواح
وأنت ياعيني عليك تائهة مش عارف ترتاح
هروك نق ونقورة من الكدب خلوك عنترة
وأنت ياولاداة نصيبتك نصيبة سودة
بترجع على طول الخط لورا
طالعة مصرينك براك
من عينهم اللي رشفة مدورة
لا ليك في الطور ولا في الطحين
ولاحتي بالمنظرة
أه ياولاد الآية عملتوا صيت بالكذب وبالخداع
خلوك ياواد عنترة
اللى بيموت في نفسة كدب وفشخرة
وانتة لاعنتر ولابتاع أخرك يادوب تكون تباع
على عربية المقالب
ماهو اصل الناس الفاضية
ماتخدش منها غير بس كلام
وعلى رأي المثل اللي ماشي وقالوه ناس زمان
الصيت ولا الغنى ماهي ناس فاضية وكدابة
ماتاخدش من وراها حاجة
غير كلمة طالعة منهم مسمومة بكائبة
ماتسيبوا ياخلق الخلق للخلاق
ليه بتسمموا عيشتهم بكلام حراق
فسيرتهم عمالين تحرقوا
زي المية فوق النار سايبنها بس بتغلي
وفي نفسها بتاكل وتحارب
خد مني وأسمع دا كله طالع من عندي
نتيجة تجارب أخلاق
