(كمل طريقك)
كمل طريقك مهما مال
ولا ترضى يوم تعيش فى الظلال
إنت الحكاية وإنت البداية
وإنت الحقيقة وسط الخيال
لو خانك وقتك في يوم
وخذلك ناس عافر و قوم
إنت إللي تبني من وجعك
جسور توديك لفجر يدوم
فاكر دموعك في السكات
كانت بتصرخ بالنجاة
والنهاردة صوتك أقوى
من كل خوف ومن كل الأهات
خليك وفي لنفسك دايما
وما تميلش لجرح قديم
إللي إنكسر جواك مرة
قادر يقوم ويبقى سليم
الدنيا بتدي وتاخد
وإللي يصبر يوم بياخد
رزق القلوب الطيبة
عمره ما يضيع ولا يتباعد
إرمي الوجع ورا ضهرك
وإفتح بيبان النور فى صدرك
بكرة هيضحك لك تاني
ويطيب جرحك ويجبر خاطرك
لو الطريق طول عليك
خلي الأمل ساكن فيك
ربك شايف صبرك كله
وعارف إيه مخبي ليك
وإن ضاقت أكتر كمان
إفتكر إن الصبر بيفتح بيبان
وإن بعد الليل الطويل
لازم يجي صبح يبان
يا صاحبي إنت الحياة
مهما تعبت من الحكايات
جواك روح لو قامت
تغلب سنين الإنكسارات
إوعى تبيع حلمك تاني
ولا تفرط في الأماني
إللي خلق فيك النور
أكيد مش هيسيبك تعاني
خليك واقف مهما تميل
زي الجبل مهما الريح منة تشيل
والريح لو تعلى حواليك
تعدي وإنت المستحيل
وفي النهاية صدقني
كل إللي فات بيبني
شخص جديد جواك
دة ربك عطوف مهما إبتلاك
ومهما وقعت عافر قوم
وإوعى تيأس فى يوم
إنت البداية والحكاية
وإنت الرجوع للحلم يوم
الشاعر/ عزالدين جبريل
Aucun commentaire:
Enregistrer un commentaire