جمال الروح
.................
*
يا صاحبي قولك ترى فيه تطمين
للي لهم في سالف الوقت غيره
ترى الكبيره .. حبها ما يجي اثنين
بالصحبه والعشره تراها جديره
العمريمضي من اول الوقت والحين
اللي صغيره سوف تصبح كبيره
الفرق واضح شايفه شوفت العين
الكبر يبقى كبر لو هي مثيره
لكن جمال الروح ياصاح كا البين
دايم يغرد ويطلب الله الستيره
فيهم وفا ومع المحبين وافين
ما مثلهم يا صاحبي بكل ديره
ادليت انا بدلوي والحال بيزين
عسى الله يزينها مع كل سيره
لا وهني اللي معه دوم ثنتين
ماشي مع الصنفين مكثور خيره
✍️ عبده محمد القاضي الرياني ابونبيل
........
Aucun commentaire:
Enregistrer un commentaire