((فضفضه))
قلبي إللي عايش جريح
مقتول بسهم الريح
من بعد طول البعاد
نايم في حضن السهاد
محبوس في سجن الآه
مستني لحظة حياه
بس الزمن خلاه
يفضل في حزنه
جريح
******
الشوق يزيد للفضفضه
أتمني لو لحظة رضا
بس الصدي
يملا الفضا
تجريح
******
القلب مشتاق للحياه
لكنه مش لاقي دواه
والمر يخلق ألف آه
والعند أصبح
صريح
******
بدي أشوف
الفرحه يوم
بدي أعيش
وأنا مش مظلوم
بدي أزيح
عن قلبي هموم
ولآهاتي
الدنيا سامعه
******
ياما الناس
بتعيش أفراح
وأنا أيامي
هموم وجراح
ليه يا زماني
ملكش صباح
بدي تكون
لطريقي الشمعه
******
يا تري هنسي
إللي راح
وأنسي من عمري
الجراح
قلبي راضي
بالسماح
يوم ملاقي
شمسي طالعه
******
الشاعر محمد علي فرغلي احمد
Aucun commentaire:
Enregistrer un commentaire