الأكاديمية العربية المغربية للشعر والأدب

قلبي بيدور عليه

عايز حضن اتداري فيه 

من وجع الدنيا واتحامى فيه

من ريح غدر بتعدي ومن دمع ساكن في عينيه

من ناس بتضحك في وشي وقلوبها بتخبي عليه

وانام في حضنه حكاية حب صادقة وارتاح فيه

عايز قلب يكون بيتي لو تعبت ارجع الاقيه

يفهم سكوتي قبل كلامي ويحس بنبضي ويجري ليه

لو ضاع عمري في زحمة سنين يرجعلي عمري بيه

ويحضن خوفي ويطمني ويقوللي حقك علياويصبرني عليه

قلبي اتبهدل في سكة ناس باعت وخانت ونسيت ليه

ووعود كانت زي السراب لما قربت منه اختفيه

وكل ما ابني في حلم جميل يتهد الحلم في ايديا واضيع فيه

واسأل نفسي هو الحب بجد ولا كله تمثيل حواليه

فين اللي قلبه يكون مرايتي اشوف روحي انا فيه

لا بيكسرني ولا يوجعني ولا يوم يهون عليه

يبقى الحنين في صوته ويبان الشوق في عينيه

واحس اني انا الدنيا عنده وهو كل الدنيا ليا بيه

نضحك سوا من غير سبب ونبكي سوا ونواسي فيه

نعدي الليل على نغمة شوق واغاني تنده عليه

ويكون حضوره امان لقلبي وغيابه نار تحرق فيه

ويفضل طول العمر سندي وانا العمر كله ليه

انا مش طالب غير قلب صافي مفيهوش غدر يخبي ليه

ولا كلمة حب تتقال وخلفها وجع متخبي فيه

انا عايز حب يعيش العمر مش يومين ويموت واطفيه

ولا حكاية تتكتب في دموعي وبعدها اسيبها وامشي وانهيه

ايوه انا شاعر البسطاء ولسه بدور عليه

على حب نضيف يعيش جوه الروح ويراضي جروحي بيه

لو لقيته هكتب عمر جديد واتغنى بفرحة عينيه

ولو ما لقيتوش هفضل اغني واقول فين الحب الاقيه

ااااااه والف ااااااه قلبي بينده ومحدش سامع ليه

فين القلوب اللي بجد تحب ولا كله بيبيع ويشتري فيه

يا دنيا ردي عليا وقولي فين الصدق الاقيه

ولا الحب بقى حكاية قديمة واحنا اللي بنحلم بيه

  كلمات وتأليف شاعرالبسطاء سعيدسعيدامام #شاعرالبسطاء #سعيدسعيدامام #متابعة #الجميع @ #إشارة