لمتنا في رمضان زينة
فيها تحلو السهرية
كبار و صغار ونوار
وقهيوة عربي
وحلو وزمني
لمتنا حكايات وتشنشينات
وضحكات وترتيلات
لبسة عربي و شاشية
وقعدة في الجنينة
وتبخير بخور ع وعنبر
في دارنا الكبيرة المزيانة
ريحة الفل في المحبس تكبر
وتزهى الليالي في حينا وسهرانا
في لمتنا القلوب تلقى الفرحة
وننساو التعب الي فيه شقينا وذقنا
يارمضان ياجامعنا بالخير
يا محلى لمتنا وضحكة عيلتنا
ياربي تديم النعمة والتقدير
وتبقى ديما منورة حومتنا. الدكتورة والشاعرة ريم الشتوي
تونس
Aucun commentaire:
Enregistrer un commentaire