أين أبي يا أمي
يا ماما يا أمي
نعم يا نور عيني
قولي لي يا أمي
فين بابا
غايب ليه عن عيني
أصله كتير وحشني
ونفسي أشوفه يا أمي
حاسس إنه زعلان مني
أو مش عاوز يشوفني
لا لا يا بني
أبوك كان بيحبك
وعمره ما زعل منك
والخير كله اتمناه لك
وديما بيفكر فيك
ويسأل عنك
طب امته حشوفه يا أمي
أصلي بفكر فيه تملي
وصورته ديما قدامي
نفسي أكون في حضنه
يطبطب عليه
وأبوس إيديه
وعمري تاني ما حأزعله
وحكون عند ظنه
إيه يا أمي
ليه بتبكي
خلتيني أبكي
لا لا يا ابني
أنا مش بأبكي
كلامك يمكن فكرني
بغلاوة أبوك عندي
لا يأمي
فيه حاجة أنت بتخبيها عني
أنا فهمت دلوقتي
أبويا سافر وسابني
بقيت لوحدي
إنكسر قلبي
وحزين بدمعي
لا يا غالي يابني
أبوك عمره ماسابك
ولا باعك
و عمره ما فكر يبعد عنك
أبوك كان بيحبك
يا بني أبوك
كان بيخدم وطنه
وكان بيدافع عن أرضه
وعمره ما خلف وعده
مات وراسه مرفوعه
وكلنا بنفتخر به
أبوك ربنا اختاره
يستشهد في سبيله
وهو لبى نداه
ومات فداه
شهيد لله
وشهيد لوطنه
آه ياني يا أمي
خلاص يعني
مش حشوفه تاني
معلش يابني
في الجنة
حنكون معاه
بإذن الله
بقلمي محمد السيد السعيد يقطين . مصر
Aucun commentaire:
Enregistrer un commentaire