زجلية : الْحَرْفْ وَلْد الْكَلْمَة.
================
1
التَّسلِيمْ للْحَرْفْ
وَلْد الكَلْمَة
اللِّي وَلَّى مَنَّا طَرْفْ
يَفْضَحْ اللِّي فِينَا تْلَفْ
وَاخَّ تَعْيَا مَا تَسْقِي
بِيهْ الْوَرْقَة
عَمَّرْ بَحْرُو مَايَنْشَفْ
الْحَرف :
بْحِيرَة عَامْرَة تْمَرْ
فِيهَا لَحْلُووًفِيهَا الْمُرْ
فِيهْ الجْدِيدْ و فِيهَا الطْمَر
صْنَعْ مَنُّو رَبْ الْكُونْ
بَكَلْمَة كٌنْ
سْمَاوَاتْبْلاَ عَمْدًة
بْلاَ سْقَفْ
مًا تْطِيحْ مَا تَرْجَف
وَمَنْ طِينْ سَوَا بْنَادَمْ ْ
وًبْقُدْرَة بِيهْ لْطَفْْ
الْحَرْفْ وَلْدْ الَكَلْمَة
كُلْ مَرَّة فْحَالْ:
نْهَارْ حْنِينْ بينَا يَرْأَفْ
وَمَرَّة قَاسِيفِينَا يَعْسَفْ
وَمَرَّة عَاشَقْ
يْخَلٍِي الْعَطْفَة فِينَا تَنْتَفْ
وَمَرَة وَحْشَة يْعَلٍَمْنَا الْبُوحْ
وَيْخَلٍِي لَنُفُوسْمَنْ نْعِيمُو تَهْرَفْ
الْحَرْفْ سَرْ اللًّوحْ
لَمَبَيَّضْ بْصَلْصَالْ
نَاشَفْ بِيهْ يَنْظَفْ
وَبَسْمَقْ دُقِّي
يَكْتَبْ شَلاَّ سْرَارْ
بْكُرَّاكْ زَاهَرْ
بَرْبِيعْ زَاهِي مَا يَخْرَفْ
02
الْحَرْفْ رْصَاصَة
طْلَقْهًا الْمًجْذُوبْفْحَرْكَة لَكْلاَمْ
خيَّال تْعَطْبُووخيَّال تْدِيرْلٌو
شَانْ وَوْنَاسَة
وًوَاحَدْ تْقًدْمُووَتْلَبْسُو لْبَاس
وَثَانِي تْوَخْرُووَتْلَبْسُو حْلاَسَة
قْطَفْهَا سِيدِي قَدُّور
وْكَانَتْ لِيهْعَيْنْ جَسَّاسًة
لَقْطَتْ نْفَاسٌووًرْخَاتْ عْلِيهْ
الْعَسَّاسَة
وْجَا كْلاَمُومْنَقِّيفْڱَاعَة
مًا فِيهَا نْجَاسَة
الْحَرْفْ حُرْ
مَيَتْبًاعْ مَا يَتٍَشْرَا
فْسُوقْ النْخَاسَة
حُرِّيْتُو مْرَايَة
يْشُوفْ فِيهَاسْرَارْ النَّاسْ
بْلاَ مْقَص
وْ لاَ غْرَابَلْ السِّيَّاسَة
الْحَرْفْ فْتِيلَة
شَعّلْ الْعًافْيَة
عْوَامْ بِينْ النَّاسْ
وَسَالْ مْدَادُو بْحُورْ
مَرَّة مْدِيحْوَمَرَّة زْدِيحْ
وًمَرَّة يَلْبَسْ ثُوبْ الْبَحْلاَسَة.
إدريس بندار
========
Aucun commentaire:
Enregistrer un commentaire