أزرع تحصد
بقلم الشاعر والكاتب
حارس بخيت
فينك يا بلدي
وانا بدوب حنين
من آلام الذكري
من هم السنين
و الشوق إللي كاويني
دبح قلبي بسكين
حكمت عليّ أيامي
بالبعد عنك والحنين
كنتي أصل حكايتي
مع ناسك الطيبين
كانت هناك بدايتي
مع كل الجيران
وذكرياتي أنا وأصحابي
وأحبابي وناسك المخلصين
عمري ما أنسي
كلمه حلوة أو كلمتين
واللي حصل لي
من ناس كدابين
خلاني أتوب وأصلي
و أحسبها مرة وملايين
لناس باعت عشرتي
ونهبوا عمري والسنين
كنت بحبهم من قلبي
أتاريهم لؤمه وكدابين
عاملتهم بضميري وودي
لما كانوا محتاجين
ولما راح إحتياجي
ليّّ مش عارفين
نسيوني ونسيوا عمايلي
سألوني أنت مين
باعوني ولجميلي ناكرين
وعيشي وملحي بالأيدي
ولسه لهدمتي لابسين
وفي أسنانهم فتاتي
لما كانوا جعانين
ولما شبعوا نسيوني
أتاريهم خداعين كدابين
ضيعوا أحلام عمري
نهبوا شقايا والسنين
قولت أهاجر وأمشي
ولعنت قلبي والحنين
وقلت أسافر وأنسي
وأتاجر مع ناس طيبين
وكفاية عشرة إللي خدعني
وكفاية من عشرة الخاينين
وطمعت في الأصل لوحدي
أصل أبوك وأبويا أصلي
لكن الأم والخال أتنين
واللي خاله هلفوت وردي
مش زي اللي خاله زين
أوصيك بالحساب يا ولدي
لما تختار أختار زين
ولما تفارقني و تبعد عني
أختار الأصيلة دا الأصل زين
أبوك عنيد ياولدي وعندي
الحرمه تتطلق والخال دين
وإياك تنسي إللي ظلمني
خد حقك ولو بعد حين
دا الحق عفيف وأملي
يعوف الظالم أبو وشين
والدنيا لو نصفت ما تدي الزين
لكن أملي في ربي ودراعي
أرجع حقي لو بعد سنين
دي أمنية قلبي في غربتي
والوطن له الشوق والحنين
أعمل ما بدا لك يا ظالمني
كله سلف ودين خد لك يومين
أنا معي ربي وعقلي ودراعي
وساعتها لوم نفسك يا زين
وإياك تقول أيه الداعي
دا موضوع وعدا عليه الزمن
و إنتبه دا إللي عقله ذكي
ما يغلب يخطط عمر و سنين
ويأخذ حقه في ثواني
الصبر طيب لك يوم شين
أزرع تحصد حصادي
دا كله سلف ودين
بقلم الشاعر والكاتب
حارس بخيت
Aucun commentaire:
Enregistrer un commentaire