بلياتشو
الاسكندريه
بقلم الشاعره د / وفاء شباره
بلياتشو ...بيضحك كل الناس
عايش ..من دون احساس
راسم علي وشه البسمه الوان
احمر اخضر اصفر......تقولش الواد فنان
يضحك و يكركر...وفي ركن بعيد ...زعلان
دموعه ..غرقت ..وشه..اتلخبطت الالوان
وراحت منه ..... ملامحه كانسان
وبقي لوحه ...ضحكه ممزوج بالمه... اتفرج يا زمان
كان يوم حبيب ...وكله أحلام
خطفوا منه حبيبته ...وسابوا له صورته وشويه اوهام
حاول يخطفها ..زي الفرسان
حبسوه ..ضربوه ..شغل جنان
ولما قابل الدنيا ..كان خلاص تعبان
لبس البدله ...
وعمل بلياتشو
عايش من دون احساس.....بس ..بيضحك كل الناس
الله عليك نص جميل جدا
RépondreSupprimer