نشيد
الوحدة العربية
بقلم شريف شحاته
مصر
وطن واحد وشعوب واحدة بلا حدود وحدة عربية
عيون العالم تصبح شاهدة ونشوف فيها إرادة أبية
ونوقعها بدمائنا معاهدة شعب عربي رايته الحرية
مع بعضنا نقولها معاهدة مافي حدود بينا ولا قضية
ليه أيامنا ليالي ظلام ونكون في العالم سفهاء وسفاسف
ونعيش كلنا في خصام واحد زعلان والتاني خايف
صراعات ما نشوف سلام وجيل عايش يأس وشايف
شايف كوابيس بلا أحلام يحلم بس بالغربة وزاحف
عايزين نحلم تعود أمجادنا تعود حضارتنا أصل تاريخنا
ونعيد تاني مجد بلادنا نصنع أساطيلنا وصواريخنا
تكبيرة نصر في أعيادنا يشوفوا صياحنا مش بس صراخنا
نبني حضارة شبه أجدادنا ما نعاني علي طول بجراحنا
وقفة عرفات هي الرمز فيها ثقافة وفيها وحدة وهوية
نشعر لما نشوفها بعز لما تكون وحدتنا حرة وقوية
كل جيوش العالم ما تهز أحرار علي طول بلا عبودية
حالنا الآن في النفس يحز وزرعوا خلافاتنا العربية
بقلم شريف محمد شحاتة مصر
Aucun commentaire:
Enregistrer un commentaire