ياللي عليك الندا
بقلمي محمد عنانى
ياللي عليك الندا
صابح وحلو يافول
بروتين وأجمل غِذا
للجسم ويا عقول
وأساس لأكل البشر
أو حيوانات وعجول
جميل وطعمك عسل
أخضر كدا علطول
ولا حِراتي وبصل
الجوع معاه بيزول
ظلموك وقالو خطر
ع المعده مش معقول
وزودوا في القول
بكلام وماله سند
من علم ولا أصول
غير بس كيد العوازل
إسفين وفيك معمول
ياللي عليك الندى
صابح وحلو يافول
إنت اللي فيك الحديد
دايما يجيب مفعول
لابو صحه على قده
حاله معاك معدول
واللي ضعيف هفتان
بأنيميا أو معلول
وبقيت أساس أكلته
تلقاه بعضل مفتول
لاجل الفقير والغني
الكل منه يطول
ياللي عليك الندى
صابح وحلو يا فول
بقلمي محمد عنانى
Aucun commentaire:
Enregistrer un commentaire