زجل قصيد باللهجة العامية اللبنانية
معبد الشعر
قالوا دارك بعدك بتلملم حجارو
خمسين عام عم ترفع بزنارو
وبتجيب من كل لون لبني
من مقلع الفكر مزين دارو
بعد معبد الشعر ما عجبني
ولا الهيكل بعد طرزت ستارو
ذبت بنقش الحجر وذوبني
رخام الزكا أنا وأضرب عامسمارو
حتى ولا عاكف موهبه يسبني
بسجدة شعر وعم يتلي شعارو
إذا دعاء القلب ما وهبني
بهد المعبد وبحرقو بنارو
خمسين من العمر أنا وأبني
هيكل زجل ووسع ديارو
ياما الحرف عن أهلي غربني
ت محراب الشعر يكتمل عمارو
حتى قماشو ما يفكر يعاتبني
من خيوط الشمس طرزت كنارو
ضويتو بشمع قلبي وجذبني
بيت البلاغة العارخامو منقوش
حتى الناسك يتمسك في سوارو
بقلم الأديب والشاعر يوشع علي إسماعيل
Aucun commentaire:
Enregistrer un commentaire