رمق ***بقلم/نشأت البسيوني

رمق

بقلم/نشأت البسيوني

 

كلما ظننت اني وصلت للنهايه اكتشف ان جوايا بقيه قوة ما كانتش باينه وان قلبي رغم كل اللي مر بيه لسه قادر يشيل ويحلم ويكمل كأن في رمق صغير جوا روحي بيقاوم العتمه وبيفكرني اني مهما اتعطلت اقدر اقوم من تاني يمكن ببطيء يمكن بحذر لكن بقدره ما بتسلمش انا مش محتاج اصرخ ولا اشرح ولا اقنع حد بقصتي كفاية اني فاهم نفسي وعارف قد ايه الطريق اللي ما حدش شافه 

مني كان تقيل وقد ايه الخطوات اللي كنت باخدها وانا منهار كانت حرب محدش سمع صوتها ومع كده كسبتها لان مجرد اني لسه واقف ده في حد ذاته انتصار ما يقدروش يشوفوه احيانا بحس ان الدنيا بتختبرني بطرق غريبه تخليني اشوف جوانب فيا ما كنتش مستوعبها واحيانا بتخليني اسيب اشياء كنت فاكرها ضرورية لكن مع الوقت اكتشف ان اللي ربنا بيشيلوا من طريقي كان حمل واني 

من غير ما احس اتخففت واتهيأت للي جاي والحقيقه ان اقوى لحظه في حياة الانسان مش لحظة نجاح ولا لحظة فرح اقوى لحظه هي اللي يقف فيها بعد ما وقع محدش شافه ومحدش مد ايده ليه ويقرر يكمل وكأنه بيتحدى كل اللي حاول يكسره اللحظه دي هي اللي بتصنع الروح اللي ما بتموتش وفي آخر كل يوم لما اقفل عيني وافكر في كل اللي عدى اعرف ان الرمق اللي جوايا هو 

السبب في اني لسه هنا ولسه قادر ابص لقدام حتى لو الطريق ضبابي حتى لو الخوف موجود لاني ببساطة اتعلمت اني امشي حتى وانا مش شايف غير خطوة واحدة قدامي