الحروف
...........
*
لا تقول للي جفاك وش تريد
الجفا طبعه ولا بقلبه حنان
كل ما ناحت حمامه من بعيد
ذكرتني بالعنا وفعل الجبان
من اولٍ حبه بعروق الوريد
واليوم مالي شف لو يرجع ثمان
غاسلٍ كفي خذ العلم الاكيد
ما تراجع عن كلامي يوم كان
الحروف فيها المعاني اللي تفيد
والحياه مطراق والمسكن كنان
المزارع لا استوت تبغى الحصيد
هذا حال الناس طبعٍ من زمان
والحبيب اللي نحبه وش يريد
دام ما يفهم وعايش في هوان
قد عرفنا وضعكم دايم عنيد
ما تفيد الغطرسه وطول اللسان
كل ما ننصحه في غيه يزيد
يفتكر نفسه على الناس هيلمان
دام هذي سيرته وحاله نكيد
ما لنا في قرب واحد اولعبان
✍️ عبده محمد القاضي الرياني ابونبيل
Aucun commentaire:
Enregistrer un commentaire