كل ماقول انا همشي واسيبك
اوهم قلبي بإني حبيبك
سهم الغدر أصابني ف قلبي
اما رصاص الغل ف جيبك
إوعى تفكر نفسك موسى
إوعى تفكر نفسك آيه
قلبك دمك محتاج عمرة
إتغشيت فيك وانت حكاية
قاعد تجمع ليا إدانه
وتألف حكايات بالزور
وتحاول وتشوه صورتي
وبقيت شوكة ف قلب الزور
وسعيت انى امحيك من قلبي
ودعيت ربي تروح وتغور
بعد ماكنت بتجري ف دمي
وحياتي ماتكمل من غيرك
أصبحت انت أكتر همي
والمادة بقت هيه كبيرك
وبقيت تتحكم في حياتي
شوفتك قاسي بطبع عنيد
وتذود دايما في آهاتي
وبنيت سجن حيطانه حديد
منى احمد عبد النبي/عضو اتحاد كتاب مصر
Aucun commentaire:
Enregistrer un commentaire