(( آسف ))
أنا آسف مش هاخون
ولا هارضا أكون مجنون
ولا علشان قلبي حنون
قولتي إني بحبك راضي
******
زماننا مش زمان عاشقين
ولا سلامي زاد حبتين
خلاكي تنسي أنا مين
هاثبتلك إنك شئ عادي
******
لو فاكره بيكي مشغول
وبعادك عني ها يطول
قدامك قلبي بيقول
هانساكي لو كنتي قصادي
******
يا سلام ع القسوه أما تكون
علي قلب ميعرفش يخون
قلب قاسي ٠٠٠قلب حنون
هانساكي حاضر مع ماضي
******
ودا قلبي وف يدي مصيره
وإحساسي عارف تفكيره
مش ممكن يسمح له ضميره
يفتح لك بابه لو فاضي
******
الشاعر محمد علي فرغلي احمد
Aucun commentaire:
Enregistrer un commentaire