((حكايه))
أنا هاحكيلكو
يا ساده حكايه
قصدي روايه
هيه حقيقه
ومش تلكيكه
مني إسمعها
يا عمي يا بيه
******
أنا شفت الفار
وف عز نهار
قتل الشبل
وأبوه إنهار
مش معقول
مش معقول
دا كلام جد
ومش بهزار
طبعاً جد
تعرفوا ليه
لأنه أسودة العالم
قالوا مش راح
ناخد أبدا تار
يادي الخيبه
ويادي العار
لا للتار ٠٠٠لا للتار
******
لكن كان لازما فرمان
نشجب هذا العمل الآن
ومثل قديم
قاله حكيم
إللي إيديه في الميه يا عمي
مش زي إللي إيديه في النار
******
قاموا فيرانهم عملوا عصابه
مجمع أنس ويرأسه فار
لأجل يحاكم فارهم
يعني حبايب الفار
******
والطراطير قالم كلمتهم
بتلوموا ليه
بس عليه
دا الفار نونو
دا الفار نونو
ويعمل إيه في أسد
جبار
يا دي الخيبه
يا دي العار
لا للتار ٠٠٠لا للتار
******
الشاعر محمد علي فرغلي احمد
Aucun commentaire:
Enregistrer un commentaire