أغنية
سامبا
بقلم شريف شحاته مصر
أنا قلبى تاه من غرورك تحرمني ليه من شعورك
أحتار من قسوة شرورك وتقول أحباب
دايما تصدمنى فى غرامى وتزيد أحزانى وألامى
على طول بتشك فى كلامى وتقول كذاب
تظلمنى ليه أنا أعمل إيه فى جنون أمورك
أنا حبى مش حب عادى أهمس على قلبك وأنادى
أغفر وأسامح المرة دى من حبى فيك
وتعود من تانى لعذابك والقلب يدوب من غيابك
يدور على دارك وبابك من خوفه عليك
يا فايتنى فى نار قلبك غدار والحيرة عذاب
أنا قلبي تاه من غرورك تحرمني ليه من شعورك
أحتار من قسوة شرورك وتقول أحباب
أشوف الشك في عيونك تسألنى وتبدأ ظنونك
أنا أقول إيه آخر جنونك إيه آخرى معاك
الشك يبان من كلامك من أول نظرة وسلامك
وتضيع أحلامى وأحلامك إزاى أنساك
أسهر بالحيرة أفكار كتيرة والشوق غلاب
أنا قلبي تاه من غرورك تحرمني ليه من شعورك
أحتار من قسوة شرورك وتقول أحباب
لو مرة تصدق أحوالى تعذرنى وتقدر حالى
وما تشغل قلبى ولابالى ونعيش عشاق
نرتاح أنا وأنت ونتمنى نسعد بالحب ونتهنى
ونعيش مع بعض فى الجنة مع الأشواق
حاول تسمعنى بلاش توجعنى وتسد الباب
أنا قلبي تاه من غرورك تحرمني ليه من شعورك
أحتار من قسوة شرورك وتقول أحباب
دايما تصدمنى غرامى وتزيد أحزانى وألامى
على طول بتشك فى كلامى وتقول كذاب
بقلم شريف محمد شحاتة مصر
Aucun commentaire:
Enregistrer un commentaire