((مربعات))
صلوا معايا يا حاضرين
ع الزين طه نبينا
إللي أتانا بخير دين
وبشفاعته ننول أمانينا
******
ف الأصل كلنا إخوات
مابين كالح وصالح
فينا المعدود م الأموات
وفينا قاضي المصالح
******
قاللي طبيب القلوب
القلوب كيف المزارع
فيه قلب كالخروب
وقلب للورد زارع
******
الواحد فينا لما يموت
بيصبح في خبر كان
ناس يقولوا كان كتكوت
وناس يقولوا كان تعبان
******
الشاعر محمد علي فرغلي احمد
Aucun commentaire:
Enregistrer un commentaire