***(( *من تُراثنا* على دَلعونا *))***
نادَيتي بإسمي وقُلتي حَبيبي
وإنتي الي قُلتي للشمِس غيبي
ريته نَصيبك يِحمِل نَصيبي
فَتَنتي قَلبي بغَمز لِعيونا
***
لبِستي فُستانِك أحمَر ومقَصَب
قَلبِك عاشِقني وقَلبي بِتعَذَب
زُنارِك بِلمَع والخيط مذَهَب
لو تيجي عنا نِدبِك دَلعونا
***
جَنَنتي قَلبي جَننتي قَلبي
لانه حَبِك والشاهِد رَبي
ياما تمَنيتِك تِمشي بِدَربي
زَرَعتي في قَلبي شَجرة زيتونا
***
قَلبِك نَداني والوَطَن غالي
مَهما تِبِعدي بِتظَلي قبالي
لَو إنِك شُفتي شو صار بحالي
قَلبي عَ بُعدِك صاير مَجنونا
***
..بقلمي..ياسين مصطفى بكري.....
Aucun commentaire:
Enregistrer un commentaire