((دهب))
من أبو جالوم للاجونا
ع المشايه هتلاقونا
دهب يا إسم علي مسمي
فشر الساحل والجونه
******
وتاريخها زان الحاله
حاضر ومعاصر وآصاله
دهب يا إسم علي مسمي
والعشق مش قواله
******
دهب السحر والجمال
قصه وحدوته وموال
دهب يا إسم علي مسمي
والله وصدق إللي قال
******
دهب يا أجمل أنشوده
موال ف غنوه ف حدوته
وإللي يزورها ولو مره
تاني يرجع وليه عوده
******
الشاعر محمد علي فرغلي احمد
نزلة باقور ابوتيج أسيوط مصر
Aucun commentaire:
Enregistrer un commentaire