براكين ااالفرقه
بقلم/عماد الأبنودي
......................
قولوا ... لحبايبنا هتوحشونا
و البعد قاسى و الله حرام
هاااان عليكم بس تفوتونا
و القصة تخلص كده قوام
القلب يصرخ يقول ارحموني تسيبوني مرمطة مع الأيام
ليه .....! بتمشوا يا ضي عيوني
حتي الوداع ما قالش سلام
اتاري الموت مافهوش عشم
ولا عتاااااب كما الخصااااام
و لما يحضر الكل بيسكت
و حتي الألسنة تبطل كلام
بتخدوا الدفا ويا الحنين
و تبقى المشاعر بدون إهتمام
و يعااااافر وجعنا مع السنين
يصارع ف نفسه مع الآلام
خسارة بعادكم ما تتقدرش
اكمنى حالنا ماهوش تماام
و براكين الفرقه ما تهمدش
ولا حتي .. نيرانها هتناام
بقلم
عماد الأبنودي
30 , 3 , 2026
Aucun commentaire:
Enregistrer un commentaire