( يا أمي )
بقلمي :
..........
ألف رحمك عليكي يا أمي
يا ما كنتي بتحسي ألمي
ياغاليه ياما وقفتي جنبي
ياشريان لنبض قلبي ياأمي
كنت بأصبح عليكي وأمسي
وهوا طيبتك يرتحله نفسي
ياما نصايحك عليها بأرسي
وكان وجودك هوه ونسي
كنت بحياتك ف أمان مهني
يا أمي عمرك ما زعلت مني
بكل خطوه كان معايا نفسك
في ذكرى وفاتك ربك يعيني
ياما خففتي الحمل عني
كان عطاكي بالخير يمني
معروف حنانك زايد تملي
كان رضاكي بالقرب مني
لو شافتني قاعد لوحدي
تقولي ليه محتار ياولدي
تناديني تعال أقعد بجاري
وبسخاء في إيدي تدي
ياشمعه صلاح إنتي يا أمي
كل ما يهمك هو راحتي
تفني نفسك فداء لولدك
لو تعبتي عمرك ما تشكي
يا بشوشه في وشي تملي
بصفا حنونه ع الكل كنتي
في العوزه تهمي تقضي
وجمايلك دينها في رقبتي
حتى بقبرك غاليه يا أمي
يا ما كنت أهزر معاكي
وأناطالع بره البيت أقولك
وحياتك ادعي لي يا أمي
كنتي رحاية البيت بتشقي
ياما سهرتي علينا الليالي
لما تلاقيني لسا ما نمتش
أروح في نومي لما تحكي
كانت البصه فيكي تحيي
بوجودك القعدة تحلى
أبوس إيدك وراسك ورجلك
ع قدر عطائك إنتي يا أمي
كنتي بتدعيلي دايما تقولي
يحبب فيك خلقه يا إبني
دعاكي حرز بحجاب ينجي
وعلى فراقك مصبرني ربي
بأفتكرك بالخير يوماتي
وبأدعيلك ف أوقات صلاتي
وفي الأخره يجمعني معاكي
تحت أقدامك ياغاليه يا أمي
..........................
احمد الشريف حسين
Aucun commentaire:
Enregistrer un commentaire