أغنية
تانجو
بقلم شريف شحاته مصر
ياجمال كلامه فى أحلى ليلة
بدأ سلامه بلحظة جميلة
سرحت أحلم أيام طويلة سرحت أحلم أيام طويلة
شفت فى عينيه سحر وأمان
من الشوق إليه أسرح كمان
لو وقته يسمح طول الزمان لو وقته يسمح طول الزمان
همسات حروفه تسعد فؤادي
أول ما أشوفه أهمس وأنادى
العمر كل كان فى الليلة دى العمر كله كان في الليلة دى
أنا قلبى خايف يرحل وأسيبه
ويقوللى شايف أوان نصيبه
فى كل نظرة سهام تصيبه فى كل نظرة سهام تصيبه
شغل لى بالى من شوقى جنبه
والصمت حالى فرحان بقربه
كان نفسى قلبى يسكن فى قلبه كان نفسى قلبى يسكن فى قلبه
أنا فى مكانى لو شاف عينيا
حيشوف حنانى ويعطف عليا
أو ساب إيديه تلمس إيديا أو ساب إيديه تلمس إيديا
أتمنى أبوح له إياك تسيبنى
الروح تروح له والشوق غالبنى
السهرة طالت وأنا غصب عنى السهرة طالت وأنا غصب عني
إن غاب عليا بعد الميعاد
ويفوت عينيا والسهد زاد
كان قلبه يرحم طول السهاد كان قلبه يرحم طول السهاد
الوقت فات فى همسات قليلة
وأسمع أهات ونبضات عليلة
عينيه تهمس لى ما بيدى حيلة عينيه تهمس لى ما بيدى حيلة
يا جمال كلامه فى أحلى ليلة
بدأ سلامه بلحظة جميلة
سرحت أحلم أيام طويلة سرحت أحلم أيام طويلة
بقلم شريف محمد شحاتة مصر
Aucun commentaire:
Enregistrer un commentaire