ياعين لاتبكي
.................
*
ياعين لا تبكي على فراق الاحباب
من غاب عنا قادر الله يجيبه
يا غايبٍ عنا بلا عذر واسباب
ويش زعلك منا ودارك قريبه
حنا قرينا سيرتك والهنا طاب
ان كان لك عوده فماهي غريبه
ابشر بعزك ياالغضي بكل مرقاب
تاجٍ نحطك فوق راس المريبه
باقي الامل عايش معانا ولا خاب
حكم ضميرك كان بالنفس طيبه
وليا نويت البعد فلاني بمرتبات
كلٍ بها الدنيا يلاقي نصيبه
البال رايق دامني بين الاقراب
اهلي وربعي حبهم ما اسيبه
سجيت بارض الله والحال منصاب
امشي على وضح النقا في ركيبه
ما اشره عليه ولا اماريه باعتاب
اشره على اللي قادني له غصيبه
✍️ عبده محمد القاضي الرياني ابونبيل
Aucun commentaire:
Enregistrer un commentaire