هزيمة الصمت *** بقلم الشاعر/نشأت البسيوني

هزيمة الصمت

بقلم/نشأت البسيوني 

في حياتنا بنقابل لحظات كتير يكون الكلام فيها مش كفاية ولحظات تانية يكون الكلام فيها مش حل اصلا ولحظات تالتة يكون الصمت نفسه اقوى من كل اللي ممكن يتقال بس المشكلة ان الصمت ساعات يتحول لعدو عدو يسرق قوتك ويبلع احساسك ويحاصرك بمعارك انت مش شايف حد فيها غير نفسك الصمت اللي كان في يوم نوع من انواع الهدوء يتحول فجأة لحاجة تقيلة حاجة 

تخليك تحس انك مخنوق من غير سبب وانك مضطر تشيل جواك اللي مايتشال اصلا وهنا تبدأ الهزيمة ببطء هزيمة مش من العالم ولا من الظروف لكن من اللي جواك من الكلام اللي محبوس من الوجع اللي ساكت من الاسئلة اللي مافيش رد عليها بس موجودة جوا راسك ليل ونهار لكن فيه لحظة مهمة اللحظة اللي تفوق فيها وتفهم ان الصمت مش دايما حكمة ومش دايما قوة اوقات بيبقى 

ضعف اوقات بيبقى تراجع اوقات بيبقى استسلام ووقت ما تعرف ده وقتها بتبدأ تسترجع نفسك وتستعيد صوتك وتكتشف انك طول الوقت كنت تقدر تتكلم بس كنت خايف كنت بتأجل كنت بتدور على اللحظة المناسبة اللي مش هتيجي طول ما انت سايب الصمت يكسب في المعركة اللي المفروض تكون انت قائدها الانسان اللي يسيب صمته يتحكم فيه يخسر كتير يخسر راحته ويخسر علاقات 

ويخسر فرص يمكن ما تتعوضش لكن الانسان اللي يواجه صمته ويكسره هو اللي يقدر يبني من تاني هو اللي يفهم انه مش لازم تكون قوي طول الوقت بس لازم تكون صريح مع نفسك لازم تفتح المجال للكلام للنقاش للبوح حتى لو صوتك طلع مكسر حتى لو الكلام ما كانش مرتب حتى لو كنت خايف المهم انك تقول المهم انك تفك السجن اللي نفسك فيه لان الهروب من المواجهة مش 

حماية بل تأجيل والسكوت مش سلام بل ضغط وكل ما تكسر الصمت كل ما تكتشف ان داخلك اوسع واقوى كل ما تلاقي نفسك قادر تشيل حملك بطريقة احسن وتبقى واقف على رجليك من جديد في النهاية هزيمة الصمت مش نهاية لكنها بداية لحياة فيها حضور وصوت ووضوح بداية لفصل جديد تفهم فيه نفسك اكتر وتختار لنفسك طريق انت اللي تمشيه مش الصمت اللي يشاور عليه