بآخر هالليل دقّ البابْ
حبيبي ،وكان معو أصحابْ
صاحي ،بس ع عيونو حجابْ
وظني فيه،والله ماخابْ
***
قللي خسرتك يامرا
كيف ،ماعرفت شو اللي جرا
ياترى هيك مقدّر ياترى
ماضل غيرك ،بعتْ وهوّي اشترى
***
والمفترس وسعو عيونو
وراحت لبعييييييد ظنونو
هي صيدي،وقدّيش بيخونو
بكاسة عرق لما جنّ جنونو
***
وتذكرت قديش حبيتك
هدية رب السما لقيتك
وبلا شي دخلت بيتك
سهرتني كتير ،وحكيتك
***
وتركتني عارك بها الدنّي
بيت ،ولاد،وعمر مو هني
بكيت حتى ترجيت منك التمني
ارجعللللللللللي تايرجع الضحك والغِني
***
الكاس صارت ليل نهارْ
والعقل زهايمر صار ْ
والزمن دار عليناااااااا ودار
ماعاد فيّ ابدا اختارْ
***
وين بدي روح بها المدى
لا أهل ضل عندي ولاحدا
والعمر ماشي ع الهدا الهدا
والنار بقلبي ماعاد تتهدى
***
مصرياتك خلاااااااااااص راحو
وضميرك ضيًعت مفتاحو
وقلبي مافي ولاشي يبلسم جراحو
حتى عرضضضضي شلّتك استباحوا
***
صبرت عليك كتير كتير
قلت،:إلا باكرا رح يصير
وتحمّلللللت شقى وتعتييييير
بس!لحدّ هون كفى ! مسخره!!!!
***
إي رح جهز حالي
ع المطبخ ،أكتر سكين بتلالي
طلعت، وابتسم قبالي
ويلييييييي من حالي ع حالي
***
قلتللو:بدّي كتير اشتاق
وشو صعب عليّ الفراق
كنت الي دوا وترياق
بس خود منّي تذكار العشاق
***
ضميتو وغرزت السكين
جواتو ،وقلبي يعنّ عنين
صرخة قوية ،وبعدا أنين
والله الكاس مالو دين
د.نجاة علي حجل
٢٢/١٠٢٠٢٥
Aucun commentaire:
Enregistrer un commentaire