كلماتى /محمود عبد الحميد عيسى
مش مبسوط ابدا فى حياتى
من أفعال الست مراتى
قاعده تخلف وأنا با تسلف
وبتعكر دمى يوماتى
مش مبسوط ابدا فى حياتى
المصروف عمال بيزيد
عايز جهد.و صحة حديد
والاحوال بتزيد تعقيد
وانا راجل على قد حالاتى
مش مبسوط ابدا فى حياتى
قلت اتنين على قد هوايا
جابت التالت قلت كفاية
أما الرابع جه بحكايا
سهرنى فى الهم ليلاتى
مش مبسوط ابدا فى حياتى
الاولاد دايما دوشانى
طلباتهم دايما كاويانى
مش مبسوط ابدا فى حياتى
صحتى ماهيش عجبانى
وبتشكيلى منها يوماتى
مش مبسوط ابدا فى حياتى
كل شويه بتطلب مطلب
وتخلينى قاعد متكهرب
عايز اسافر عايز اهرب
وأسيب ليها كل حجاتى
مش مبسوط ابدا فى حياتى
*************************
Aucun commentaire:
Enregistrer un commentaire