ياوردة قلبي متلك
عطشان كتير
بحبك والله ومشتقلك
والشوق كبير
***
ياللي شوكك جارحني
والجرح مرار
تعبت ونارك حرقتني
وأنا ختيار
عصابي ما عد حملتني
وشعلت بنار
لولا أمطارك سقيتني
بزهر تزهير
***
ياما حكينا وغنينا
بفي الوردات
وكان الحب يخلينا
ننسى الساعات
وكنا كلما تلاقينا
ننسى اللي فات
و نشبك سوا إيدينا
ونصير نطير
***
ولولا تأخرتي عليي
أكتر من يوم
بتبرم هالدنيي فيي
قيامة وبتقوم
وتصير تدمع عينيي
والدمع يدوم
وتلطم خدي إيديي
تحسر تحسير
محمد حبيب يونس سورية
Aucun commentaire:
Enregistrer un commentaire