ميزان الرضا#شاعرالبسطاء#سعيدسعيدامام@
يا ليل بيحكي للنجوم قصة صابرين
يا فجر طالع يطبطب على قلوب المساكين
يا شهر جيت بالهنا والخطوة فيها الخير
فتحت باب القبول للغني والفقير
علقنا زينة القلوب قبل زينة الحارات
ومحينا بطلتك يا غالي مر الذكريات
رمضان يا بحر الكرم يا مرسى الحيارى
يا اللي بنورك طردت العتمة من الحارة
يا جابر الخواطر في زمن كله حسابات
يا مجمع العيلة ومنسينا اللي فات
وحوي يا وحوي والروح سارحة في ملكوتك
والدنيا سكتت عشان تسمع نغم صوتك
يا مسحراتي دقيقك فوق الوجع يداوي
وقول للي شايل هموم ربك هو المداوي
اللقمة لو بالرضا تساوي كنوز الدنيا
والضحكة لو من القلب تفرق في ثانية
هنا الجدع لجل جاره يقسم اللقمة نصين
وفي رمضان مفيش غريب كلنا قريبين
يا رب بارك في القليل واطرح فيه البركة
واجعل خطوينا للخير دايما في حركة
الصوم عبادة والعمل شرف وعزيمة
ومصر بأهلها الطيبين دايما عظيمة
الستر هو الغنا والرضا كنز ملوش تمن
والحب في شهرنا بيغسل غدر الزمن
يا فاتح ببان السما للدعوة والرجاء
اكتب لنا ببركتك في الجنة لقاء
ختامها مسك ونور على نبينا الزين
وكل سنة وانتم طيبين وراضيين
ومنصورين
كلمات وتأليف شاعرالبسطاء سعيدسعيدامام
Aucun commentaire:
Enregistrer un commentaire