كلام عليا
بقلم شريف شحاته مصر
فاكر لما كنت جنبى فى دنيا تانيه
نحلم سوا مع بعض ونسهر فى كل ثانية
ولما غبت عنى قلت ياما كلام عليا
قلت عنى كلام مش فيا مع ناس غريبة
قلت لهم بيحب نفسه مش حد تانى
وكل كلامه وكل همسه كلام أغانى
عمره ما قالى كلام أحبه علشان أنانى
قلت ياما كلام عليا وكان كله غيبة
أنا اللي قلبه كان معاك سهران ليالى
شايف نجمه بنور سماك فى برج عالى
ليه بعادك كدة خلاك تشمت يا غالى
تقول عنى مع العوازل شكوك وريبة
كل كلامك دة وصلنى وقالولى عنك
يدور فى بالى ويشغلنى وزعلنى منك
ليه تزعلنى وبتحيرنى بكلام لأنك
تسمع منهم وتصدقهم مش برضه عيبة
مهما سمعت أنا من كلامك أنا لسة شارى
علشان قلبى لسة فاكرك أكتم وأدارى
أقول كلام جميل فى حقك ودة قرارى
خليك فاكر لما ترجع بالفرحة القريبة
شريف محمد شحاتة
Aucun commentaire:
Enregistrer un commentaire