... قالوا في الأمثال زمان ...
عاشر ياابن أدم مسيرك مفارق
لا بالموت لا بالمعاش
معاش اللي يزعلك
وعن صحابك واخواتك
وحبايبك يبعدك
ومن راحة بالك يسلبك
وعن الحياة والمجتمع يحجبك
واية يعني يقل مرتبك
وبملاليم المعاش يظلمك ويحزنك
اضحك على نفسك وعلي حال الدنيا
من قلبك ماتخليش حاجه تغلبك
متخليش شيء يعكر صفو حياتك
ويغضبك ويقهرك
ويشيلك الهموم ويحزنك
ليك رب كريم هيسعدك
احنا عايشين ببركته ورحمته
واوعى في يوم تنسى ذلك
والدنيا تغرك
وتسمع كلام كل اللي حواليك اللي
من أول ثانية يحبطك
وكتير هيسألك طلعت كام مكافأتك
بتاعت نهاية خدمتك
ومعاشك دا هيقضيك
يامسكين ضحكوا عليك
عمر ضاع بلاش طول خدمتك
وهي دقني اهيه
لو رضا نفسك وقناعت نفعتك
خليها تنفعك ووريني همتك
وازاي هتشتري هدمتك ولقمتك
وتعالج نفسك وتحافظ علي صحتك
وتكمل مشوراك مع ولادك
ماخلاص ياحبيبي راحت قوتك
لاهتقدر تشتغل زي زمان واتحداك
يلا وريني همتك
ماخلاص ياحبيبي
راحت صحتك وضعفت قوتك
والزمن قال كلمته وسبقته حكمته
دا كلام حقيقي هتسمعه بس من
فضلك اوعى تصدقه وتخليه يحبطك
ليك رب كريم هيرزقك ويسترك
وبركته وبرحمته هيسعدك
بقلم / عاطف محمود «مصر»
Aucun commentaire:
Enregistrer un commentaire