اديني كفك
********
لو تسمحيلي الليلة أشتغل عراف
وتكون عيونك بلا مشاعر عجاف
وأشوف حقيقي اللي جعلني أخاف
الحب دا ليا قولي إحنا ليه بنخاف
اديني كفك عشان أقرأ لك الأخبار
أسكن ف قلبك وروحك مع الاسرار
ياهلترا إنتي بشر والقرب منك نار
ولا إنتي بنت الحور ولا الهوا دوار
هات الودع ياجدع لازم يصارحني
بلاش يموت الغرام ياللا وصارحني
روحي ضناها الوجع وهوايا فاضحني
مفيش هرب م القدر والهجر جارحني
يانبض ساكن معايا هواكِ دا إعصار
خلاني عاشق وطن عايم مع التيار
روحك لروحي وطن والعقل فيكِ احتار
قولي بلاش تنكري قولي بلاش إصرار
نرجع بقى للودع يمكن يقول لينا
ولا نجوم السما تعطف بقى علينا
نسهر سوا و القمر يسكن نواحينا
قال الودع كلمته والباقي ف عنينا
بقلم أحمد سلاطين
Aucun commentaire:
Enregistrer un commentaire