إحكى ياقلم
عبدالمنعم عدلى..مصر
إحكى ياقلم
وأكتب على السطور
ومن أول نقطة
حتى ولو وصلت للقبور
ومين هيقرأ
ومين هيرد
على المكتوب
عادة وقالوها زمان
فى الأمثال
للأطرش شايف
ولا الأعمى سامع
آاه على الزمن
عندما يلف ويدور
وإنت واقف
ذى ماإنت
ترسم لنفسك
بيت فى القبور
مكتوب عليك
تمشى وراء السطور
وتحفر بالحبر
جوه السطور
وتعيش وتموت
(وما أنت بسمع
من فى القبور)
آهى دنيا
وآخرها لفه وحفره
وماتملك منها قطمير
ياعينى على
اللى ماشى
من غير حدود
أصلها راحت ولاجت
دنيا وأخرها القبور
أكتب ياقلم
وإملئ السطور
ومافى احد
هينظر ليك
إلا وأنت تحت القبور
أصلك هويت الدنيا
ومشيت خلف السطور
وماكنت تعرف إنها
حفرة جوه حفرة
وبين الحفرة والحفرة
الف لفة ولفة
بقلمى عبدالمنعم عدلى
Aucun commentaire:
Enregistrer un commentaire