خدلك منظر .... (شعر عامي )
خلي ف ايدك كاميرا تصور
اللي بياكل عرق الناس
والناس شيفينه
اللي ما عنده حياء من ربه
و شرعه و دينه
خدلك منظر
واللي ما بطل يكدب أبدا
هو لوحده اللي بيتكلم
واحنا بنسمع وبنتألم
واللي بيرشي بكل فلوسه
عشان يسرقنا
ياكل حقي وياكل حقك
يظلم ولدي ويظلم ولدك
بره وجوه
ولا يعرفش العيب فين هوه
ولا بيفكر ولا بيقدر
انسان ظالم مغرض جدا
قسما عظما
طول ما الناس دي واخده راحتها
عمر ما فجر الحب هيدن
قسما عظما
حتي السما لو تمطر ذهبا
عمره ما حتى يبان أو يظهر
خدلك منظر
اكتب وجع الموجوعين
خلى ف ايدك كاميرا تصور
تعب الناس الشقيانين
واللي بيشربوا مر جروحهم
مر عرقهم
مش لاقيين
واللي بيستر همه عشان
ما يبنش الضعف عليه
واللي يداري الخوف بعنيه
واللي حزين والناس فرحانه
ومش شايفاه
واللي بيكتم وجعه
وهو بيصرخ من جواه
واللي جميع الناس بيعاه
واللي الصبح بيخرج دايما
قبل ما يفطر
خدلك منظر
سجل عندك كله ف دفتر
اللي بيفضل صاحي ودايما
صاحي سلاحه
واللي بيفدي بلاده بروحه
واللي بيضرب عمق عدانا
وهو بينزف وسط جروحه
أهل بلادي وزي بلادي
ما فيش صابرين
صابره وشاربه المر سنين
لكن تلقى الوجه بيضحك
فيه البسمه ليوم الدين
ما بيتغير ما بيتعكر
خدلك منظر
......
فايز صادق
Aucun commentaire:
Enregistrer un commentaire