كفاية جراح / بقلم الشاعر رفعت أبو كريم

بقلمى/ رفعت أبوكريّم (شاعر الصعيد)
بعنوان {كفاية جراح} {غنائية}
*************************
حرام عليك تبعد عنّى
حرام تزوّد أحزانى
حبيبى قرّب طمّنى
وامسح دمع أشجانى
حرام عليك تجرح قلبى
وباسم الحب ايه ذنبى
أعيش بلا روح
وأنام مجروح
وليه يا حبيبى تنسانى
فى ليل ونهار
دليلى احتار
وعقلى طار
أنا ملّيـــــت
ورحت وجيت
لاجل عيون تهوانى
حبيبى سماح
كفاية جراح
تعالى ارتاح وريّحنى
كفاية خلاص
وانسى الناس
ارجع لى حبيبى من تانى
******************
رفعت أبوكريّم (شاعر الصعيد)
جميع الحقوق محفوظة
6/5/2018