بعد غيبة
لم عدت بعد غيبة
ولقتني تايه وسط الصغار
ركبت المترو لقيت
الشباب قاعد
واللي واقفين هم الكبار
هنقول الدنيا كانت ضلمة
علشان عاملين نايمين
بالعكس ده إحنا كنا
في وضح النهار
جائز صغيرين في الأعمار
لا والله الواحد فيهم
طول بعرض زي الجرار
بس هي النخوة ماتت
زي ما مات الجنيه
أمام الدولار
وبسببه متلاقيش
في الشارع حمار
وسلملي على الجزار
آه والله سلملي عالجزار
إللي الواحد بعد غيبة
مابيزوره حتى فالأفكار
ماهو زي ما الأخلاق إنهارت
كل شيء فالدنيا إنهار
مش عارفين والله نلاحق
على المدارس والمواصلات
ولا على جشع التجار
بمجرد ما يقولوا زيادة
في البنزين ولا السولار
تلاقي اللحمة طلعت
فالسما ومعاها كمان
الخيار والفاصوليا والخضار
زي ما يكون الجنيهان
اللي زادوا إللي منقولين
بعربة بحمار كانت
ماشية بالبنزين والسولار
منك لله يا حمار
ما إنت لو لسه شغال
في الشوارع كنت وفرت لنا
المواصلات وبقيت إنت
أول إختيار منك لله يا
يا جزار علشان ذبحت
البهائم والحصان والحمار
كنا نروح فاليوم الواحد
بالحمار يجي كام مشوار
أصبحنا بنقضي مشاورنا
بالتوك توك إللي جاء علينا
بالبلطجةوالخراب والدمار
الكل تركوا التعليم
والبيت ما فيهوش ولا مليم
والواد ليه يتعلم طالما
كبر وبيعرف يتكلم
يركب توك توك أخذوا إيه
اللي إتعلموا يخرج
يشتغل ثلاث او اربع مائة
جنيه في نص نهار
طيب يتعلم صنعة
بناء ولا سباك ولا نجار
وانا إيه اللي يتعبني ما أنا
سائق التوك توك وحاطط
رجلي على رجلي وعلبة
السجائر في جيبي
وفي بقي كمان سجار
عوضنا على الله في
الأخلاق والنخوة والرجال
وحسبنا الله في إللي
دق في نعش الرجولة
أخر مسماررررر
بقلمي/ عبد الحفيظ جابر شيبه
Aucun commentaire:
Enregistrer un commentaire