قصيدة الغيرة
***********
حبيبتي جت قالتلي
لك عندي خبر مثير
أنا أصلا صعبة غيرتي
و الفعل كمان خطير
ما انا اصلا لما أغير
ب انسى عقلي الكبير
و تقوم جوايا ثورة
تخنقني الغيرة مرة
وصوتي فجأة يعلى
وتلاقي حاجات تطير
اسمح لي أصرخ وأقول
واعلن غيرتي عليك
منا غيرتي نار وقايدة
و ردود فعلي خطير
النار بتقيد ف جسمي
احذر بقى يا أمير
رديت وأنا قلبي طاير
دا انتي الحب الكبير
ولا ألف واحدة غيرك
تسكن قلبي الأسير
دا انتي هديه زماني
ورده ف سحرك عبير
ومفيش ف القلب غيرك
كل ما فيكي مثير
والغيرة دي مش قضية
ما انا برضوا كمان بغير
لو مرة مدحتي راجل
أو قلتي عليه أمير
بتقوم ف القلب ثورة
افعالي تكون نذير
دنا اخسر ألف راجل
واصبح إنسان خطير
فبلاش تختبري حبي
و انسي عقلي الكبير
أصلي ف حبك أسير
بقلم أحمد سلاطين
🌹✍️🩵
Aucun commentaire:
Enregistrer un commentaire