الأكاديمية العربية المغربية للشعر والأدب

ثقل البدايات

بقلم/نشأت البسيوني 

في كل مرة يقرر الانسان يبدأ من جديد يكتشف ان البداية مش خفيفة زي ما كان متخيل بالعكس البداية تقيلة مليانة شك ومليانة خوف ومليانة اسئلة مالهاش اجابة واضحة لأنك بتتحرك من غير ضمان وبتسيب وراك حاجة كنت متعود عليها حتى لو كانت بتتعبك البدايات مش مجرد خطوة لقدام لكنها كسر لحالة قديمة كانت مستقرة حتى لو كانت غلط والاصعب انك بتبقى واقف بين 

حاجتين لا انت لسه كملت في الجديد ولا انت قادر ترجع للي فات فتلاقي نفسك في مساحة معلقة محتاجة صبر اكتر من اي مرحلة تانية والانسان دايما بيخاف من البدايات مش علشان هي صعبة بس لكن علشان هي صادقة مفيهاش تزييف مفيهاش اعذار مفيهاش حد تلومه انت بس قدام نفسك قدام اختيارك وقدام النتيجة اللي لسه ما ظهرتش ومع كل ده تلاقي ان كل بداية فيها 

جزء صغير من الحرية جزء بيقول لك انك لسه تقدر تغير ولسه تقدر تختار ولسه تقدر تعيش بشكل مختلف حتى لو الطريق مش واضح بالكامل ومع الوقت تفهم ان اللي بيخليك تكمل مش الشجاعة الكبيرة لكن الخطوات الصغيرة اللي بتاخدها كل يوم من غير ما تفكر كتير الخطوات اللي بتبني طريقك من غير ما تحس وبتخليك اقرب للنقطة اللي كنت فاكر انها بعيدة تدرك ان البدايات مهما كانت 

تقيلة هي الفرصة الوحيدة اللي بتديك حياة جديدة وانك لو فضلت خايف منها هتفضل واقف مكانك لكن لو قبلت ثقلها هتكتشف انها كانت اخف بكتير من انك تعيش عمر كامل في مكان مش شبهك