((مربعات))
تضحك الدنيا يفرح قوي ويزيط
يقول باخطط لها وعامل إنه حويط
وف لحظه يلقي الدنيا تسلمه للموت
دا إللي يأمن لها ف لحظه يبقي عبيط
******
عشنا الدنيا طولها بعرض
نستنا السنه ويا الفرض
نجمع حلال نجمع حرام
وآخرتها نسكن بطن الأرض
******
قالوا البلد فين ما الحبيب يكون
قولت أحب البراح وليه أعيش مسجون
وطلعت أطير في المدي لجلا أكون وياه
أصل الحياه في البعاد حزن وألم وشجون
******
غيرك عيني ما تشوف
وأنام محني الكفوف
ولما يزورني طيفك
أحس معني الخوف
******
علشانك إنتي أتحدي كل الظروف
وأكتب كلام الهوي في خمسميت مظروف
مشتاق مشتاق وعند اللقا
أنسي الكلام والحروف
******
عجبي
الشاعر محمد علي فرغلي احمد
Aucun commentaire:
Enregistrer un commentaire