((مش ممكن))
أظن دي مش أصول
ولا كمان معقول
أنت إللي بتقول
خلاص ننسي الماضي
******
إزاي ننسي إللي كان
وننسي العمر إللي هان
والمكان نفس المكان
دا كله عندك عادي
******
بس أوعي ترجع تاني
تندم يا أبو قلب أناني
لو بعت الدنيا عشاني
هنساك لو كنت قصادي
******
كام مره وقلبي يسامحك
ترجع وتغير في ملامحك
وف قلبي محدش بيزاحمك
هنساك حاضر مع ماضي
******
مش معني بحبك وعشانك
هارسم أيامي بألوانك
وأعيش وياك وف أوهامك
وأقول إني بحبك راضي
******
مش ممكن ٠٠مش ممكن
الشاعر محمد علي فرغلي احمد
Aucun commentaire:
Enregistrer un commentaire