ملامح غائبة ***بقلم/نشأت البسيوني

ملامح غائبة

بقلم/نشأت البسيوني

 

في لحظة هادية تلاقي نفسك بتدور على حاجة مش واضحة جواك إحساس كده إن في جزء منك محتاج يتفهم جزء سايب علامة من غير ما يقول ولا يشرح وكأن روحك بتلمح لحاجة مش قادرة تنطق بيها وتبدأ تراجع نفسك من جديد تفكر في الأيام اللي عدت بسرعة وفي المواقف اللي أثرت فيك من غير ما تاخد بالك وفي الكلام اللي سمعته وساب أثر طويل وفي السكوت اللي كان أبلغ من أي صوت

وتسأل نفسك هو أنا فاهم نفسي كويس فعلاً ولا لسه في حتة مستخبية ما وصلتش لها هل أنا بعيش بشخصيتي الحقيقية ولا بشخصية اتعودت أظهرها هل أنا فعلاً مرتاح ولا بس متماسك قدام الدنيا ومع التفكير تكتشف إن في ملامح من روحك اتوهت وسط الانشغال ملامح كنت فاكر إنها اختفت لكنها في الحقيقة مستنية لحظة بس ترجع تطلع فيها من غير خوف ومن غير ما تقلق من 

حكم حد وتفهم إن الإنسان مش صورة ثابتة وإنك بتتغير كل يوم من غير ما تحس وإنك محتاج تتعامل مع التغيير ده كجزء منك مش كحاجة غريبة عليك وإن الملامح اللي غابت ممكن ترجع لو اديت نفسك فرصة تشوفها من جديد وتبدأ تعيد علاقتك بنفسك تهدى من جوا توقف لحظة وسط الزحمة وتسمح لقلبك يفك عقده وتسمح لعقلك يهدى وتسمح لمشاعرك تتحرك بالطريقة اللي تناسبك 

مش اللي الناس عايزاها منك وتلاحظ إنك لما ترجع لملامحك الغائبة ترجع طاقتك وترجع خفتك وترجع قدرتك إنك تحس وتفكر وتعيش بصدق من غير ما تضغط على نفسك ومن غير ما تلبس قناع أكبر منك تدرك إن الملامح اللي بتغيب ما بتختفيش لكنها بتنتظر اللحظة اللي ترجع فيها أجمل وأنضج وأوضح وإنك كل مرة ترجع لجزء منك كنت فاكره ضاع أنت في الحقيقة بترجع لنفسك كلها