الأكاديمية العربية المغربية للشعر والأدب

بحث صامت

بقلم/نشأت البسيوني 

في اوقات كتير تلاقي نفسك بتدور على حاجة مش عارف تحددها بدقة يمكن احساس ناقص يمكن طمأنينة راحت يمكن معنى ضاع منك في زحمة الحياة وتفضل ماشي من غير ما تقول لحد انك من جواك في رحلة بحث محدش شايفها غيرك وتبدأ تلاحظ انك بتتعلق بأماكن معينة وتبعد عن ناس معينة وتراجع قراراتك من غير ما تعلن ده وتحاول تقرب من حاجات كانت بعيدة عنك وتبعد عن 

حاجات كنت شايفها قريبة ويمكن ده لان روحك بتحاول تلاقي النقطة اللي تهدى عندها وتسأل نفسك انت بتدور على ايه بالضبط هل بتدور على نسخة احسن من نفسك ولا على حياة ابسط ولا على علاقة صادقة ولا على فرصة تهرب بيها من تعب اتراكم عليك يمكن بتدور على لحظة صدق تعترف فيها لنفسك انك محتاج ترتاح

ومع الوقت تفهم ان رحلة البحث دي ما هيش هروب لكنها مرحلة 

نضج مرحلة بترجع فيها تعيد ترتيب الاشياء جواك وتختبر اللي يليق بيك واللي ما عادش يليق وتفهم حدودك وحدود الناس اللي حواليك وتلاقي نفسك بتتغير من غير ما تقصد بتبقى اذكى في اختياراتك واهدأ في ردودك واوضح في رغباتك وتتخلص من الضجيج اللي كان مزعجك وتلاقي ان البحث اللي بدأته بصمت وصلك لاماكن ما كنتش متخيل توصلها تدرك ان كل انسان في 

رحلة بحث خاصة به وان اجمل اكتشاف فيها انك تلاقي نفسك مش زي ما الناس شايفاك لكن زي ما انت فعلا ووقتها هتفهم ان البحث الصامت كان الطريق الوحيد اللي يوصلك للسلام اللي كنت مفتقده