معايا غربال
خلاص بدأت أصفى
الناس و معايا غربال
كفايه تعب و شقى
و كفايه طوله بال
ضحيت بنفسى و روحى
على ناس ما تسوى ريال
شلت على أكتافى
حمل ثقل جبال
كان فيهم كل عشمي
طلعوا ناس أندال
ضاع عليهم عمرى
لقيتهم شبه رجال
مفيش ولا واحد دغرى
طريقهم كله شمال
خلاص نفذ صبرى
و فاق كل خيال
أظن كده من حقى
و بدون أى سؤال
أن أنا كمان أصفى
الناس و معايا غربال
الشاعر / عامر عبده عامر
مصر
Aucun commentaire:
Enregistrer un commentaire