فاتوني
فاتوني الأهل والخلّان
مبقاش عندي أمان
ويوم ما احتاجنا ليهم
ما لقيت لهم عنوان
هما اللي كانوا حبايبي زمان
هما اللي كانوا نبع الحنان
ضيّع علينا الزمن
أوقات كانت جميلة
عشت معاهم بفرحي
والحزن ما يعرف أراضينا
رُحتي فين يما
رُحت فين ابويا
رُحتي فين يا ختي
رُحت فين يا خويا
وراحت فين العيلة واللمة
وراحت فين أيامنا الحلوة
ياخسارة السنين
والشوق والحنين
والناس الطيبين
كانوا ماليين علينا الدار
والدار كان عمار
مليان كبار وصغار
ياخسارة اللمة
والخالة والعمة
والناس الطيبين
أهل الزمن الجميل
مبقاش عندي أمان
من الوحدة والأيام
فاتوني
الشاعرة/ منى العشرى
Aucun commentaire:
Enregistrer un commentaire