زجل قصيد باللهجة العامية اللبنانية
كلمة صدق
كلمة صدق قائد جشنا قالها
بعكر دارها قطّْع كل أوصالها
لا ما عنا أرهاب بلبنان
بخمس دقائق نهى الجولي قبالها
قلو بلبنان قتلوا الأمركان
بغزو جيوشنا زلوا رجالها
رد عِمادنا بشجاعة وإيمان
أرضنا بالدم انكتب أسقلالها
صفنت صرت حلل العنوان
وزين وغربل الكلمه بغربالها
لقيت المعنى بحر طوفان
بدها جمال تحمل معاني حمالها
هيك بدها الأوطان شجعان
ونفس حره غلالها بسلالها
وبدها عقل يقص الصوان
وكف يحمي بيادرنا وغلالها
الوطن غالي يا أخوان
وأماني بعنق كل أبطالها
الأرض بدها دم وعنفوان
تتحرر من جيوش أحتلالها
جيشنا الصامد بوجه العدوان
السكب دمو بأرضنا وتلالها
إلك تحية من قلب عشقان
جيش لبنان وأرز الوطن
راهن حياتو كرمالك وكرمالها
بقلم الأديب والشاعر د يوشع علي إسماعيل
Aucun commentaire:
Enregistrer un commentaire