ولا واحــد عـــــرضلي وبالنعش چلب
ولگيت الچنت اطيحلهم نذر بالضيج
مابـيـهـم امـهـدل مـــــن صدگ يثغب
اثاريني چـــنت عـــدهم ولا محسوب
وحــــــزن بس بمحرم عالثواب انحب
دليني علــــى طيفك خل تشبگة العين
يا لمن عيني إليه ومـــــن جفنها اگرب
حبـاب العشـك لا ساحــــة لا مـيـدان
وانت بخيل هجـــــرك تسحك وتلعب
وين الليل هـــــــذا الـــي يسر البال
ومحبوبك بحضنك نايــم أمخضب
من گال العشك ظيم وعذاب ونواح
أي والله صادگ وابــــد ماچــــــذب
ياسالفـوتـي وهـمي وبـجايه الحيل
وعش عصفور وبريح الهوه أتـخرب
تدنالي ارد اشمك بي واهس شوك
من شفتك خلال الحابسي تهــذب
زعلني عله كيفك وتــريده يـصيـر
طــــوفان النواظر بالـــوجه خنيب
وانا بــلا ذنب بس غاوي العب بـيك
ولبسك من نزوتي مگصب مشرشب
توفيق المالكي
Aucun commentaire:
Enregistrer un commentaire