**********
شهر التجلى والإيمان
قوم نقى قلبك بالحنان
أحسن الى امك وابوك
وحسن لسانك ع الجيران
شهر السعادة والأمل
صوم وصلاة اجمل عمل
وبالقيام ويا الزكاه
تلقى ايمانك فيه كمل
شهر العبادة دا صحيح
صيامه ده يشفى الجريح
صحة ونعمة ربنا
ونشاط كمان فى التراويح
حيزيدنا نورك يارمضان
شهر الرحمة مع الغفران
ضيف بيجينا فى السنة
بركة وهداية للإنسان
شهر الذكر والقرآن
شهر البر والإحسان
يارب متعنا بجماله
واذقنا حلاوة الإيمان
***************
جمال على الشرقاوى
شاعر العامية
مليج منوفية
Aucun commentaire:
Enregistrer un commentaire